Hálft í Marsþoni, vonandi

Ekkert hlaup í dag. Fer í rækt eftir vinnu og svo á golfæfingu í kvöld. Á morgun er svo hraðaæfing hjá Sigurði P. Ég ætla að væla svolítið í honum um að fá að hlaupa hálft á laugardag í Marsmaraþoni, á hvort eð er að hlaupa 20 km þann dag samkvæmt prógrami.

NG

Athugasemdir

[Siggi (IP-tala skráð) 13.3.2007 kl. 15:03]

Ertu búinn að setja þér e-ð takmark fyrir hlaupið, á maður kannski að beina spurningunni til hins sauðtrygga aðstoðarmanns þíns. Hann er væntanlega búinn að leggja línurnar ef ég þekki hann rétt.

[Haukur (IP-tala skráð) 13.3.2007 kl. 17:24]

Sæll Sigurður og takk fyrir spurninguna.  Vissulega höfum við félagarnir sett okkur takmörk.  Rétt er þó að taka það fram að okkar áætlanir byggjast síður en svo á því að toppa í þessu hlaupi.  Við, ásamt Sigurði P. þjálfara höfum sett markmiðin ansi hátt enda hefur það komið á daginn að Nökkvi þykir tvímælalaust eitt mesta efni sem að menn úr bransanum hafa séð.  Markmið okkar og takmark í þessu hlaupi sem öðrum á árinu höfum við því ákveðið að halda fyrir okkur svo að minni spámenn fari ekki að apa það eftir.  Einu get ég þó ljóstrað upp - það skal toppað árið 2008 og gott ef að það verður ekki í ágúst, meira get ég ekki sagt.  Hitt er annað að allt undir 1.30 klst. (sem að hefði jú gefið í kringum 10. sæti í sl. Reykjavíkurhálfmaraþoni)  í þessu hlaupi sýnir að við erum á réttri leið.  Veður og vindar munu þó vissulega hafa sitt að segja í þessu eins og alltaf - þú þekkir það.  Kveðja,  aðstoðarmaðurinn

[Siggi (IP-tala skráð) 13.3.2007 kl. 22:48]

Það er ekki spurning að Nöllinn er gríðarefnilegur hlaupari. Maður með hans líkamsburði en léttur sem ballerína þegar hann er kominn í spandexinn. Held að hann yrði ósigrandi í 1500m hlaupi. Ég er ánægður að hann er í góðum höndum og mér finnst einnig rétt hjá ykkur þjálfurum að stefna hátt, þ.e.a.s. á Ól. í Peking 2008 en þeir eru einmitt í ágúst.

[Haukur (IP-tala skráð) 14.3.2007 kl. 14:31]

Þú ert ekki lengi að lesa á milli línanna Sigurður.  Ég bið þig þó um að vera ekkert að ljóstra því upp hvert stefnan er tekin því þetta er viðkvæmt hjá sponserum okkar.  Hvað 1500m hlaupin varðar að þá var þessi vinkill tekinn á fundi okkar félaga með Hicham El Guerrouj (heimsmethafa í 1500m) en hann sóttist einmitt mikið eftir samstarfi við  okkur nú í vetur.  Ákváðum við þá frekar að halda okkar striki og stefna á medalíu í ágúst 2008 á áðurnefndum stað.  En talandi um spandexinn að þá má svo sem ljóstra því upp að núna er einmitt í þróun ný tegund búninga hjá NIKE í samstarfi við Nökkva ) eða Nokkvi Group eins og félagið utan um hann heitir.  Mun Nökkvi á næsta ári eingöngu hlaupa í þessum búningum sem og kynna þessa þá á heimsvísu.  Er einmitt verið að ganga frá kvennhlauparanum sem að mun vera með honum í för og hefur nafn hinnar berfættu Zolu Budd oftar en ekki verið nefnt - nánar um það síðar.