Ný æfing

Var að koma úr ræktinni. Ákvað að feta í fótspor reynsluboltanna en á meðal þeirra fer ný æfing eins og eldur um sinu. Hún fer þannig fram að hlaupabrettið er stillt í 15 gráðu halla og 6 km hraða. Það er skemmst frá því að segja að þetta er fjandanum erfiðara. Svitinn gjörsamlega spýtist út úr manni. Náði þó aðeins að halda út í 17 mínútur þá var ég bæði orðinn þreyttur og eins var mér farinn að skrika fótur þar sem nokkrir lítrar af svita höfðu spýtt sér á beltið sem eins og áður sagði var stillt í 15 gráðu halla. Tók þá til við refsingar á stáli og magaæfingar.

Annars er þetta fín æfing og hentar vel í prógramið á þeim dögum sem hvíld er frá hlaupum.

Hugur minn er hjá Múraranum sem meiddist í gær og er kominn með svokallað "hlauparahné". Hann fer í sprautur á morgun og ætti að vera orðin stálsleginn um helgina.

Á morgun er svo hádegishlaup númer tvö.

 

NG

Eins og talað úr mínum munni

Tók rúntinn á heimasíðum hlaupara einu sinni sem oftar. Rakst á þennan magnaða greinarstúf á bloðsiðu Gunnlaugs Júlíussonar stórhlaupara. http://gajul.blogspot.com/

"KSÍ þingið var haldið í dag. Það hefur verið nokkrum hópi fólks hugleikið sem að öllum jafnaði hefur ekki verið áberandi í umræðu um fótbolta. Ástæðan var sú að ung kona bauð sig fram til formennsku í KSÍ ásamt fleirum. Nú er það góðra gjalda vert að fólk bjóði sig fram til starfa sem það er tilbúið að takast á við. Meðal annars bauð kona sig til fram stjórnarsetu í KSÍ sem hefur unnið lengi innan Þróttar og skilað þar mjög góðu starfi. Það verður hins vegar að ætlast til þess að fólk sem býður sig fram til formennsku í svo stórum og mikilvægum samtökum sem KSÍ er hafi á einhvern hátt sýnt það að það hafi einhverja burði til að valda verkefninu. Svo er ekki um þessa konu. Í hennar sívíi kemur fram að að hún hafi leikið knattspyrnu í yngri flokkunum og haft einhver afskipti af knattspyrnu meðal sígaunabarna í Rúmeníu en stjórnunarreynslu hefur hún enga. Hvaða bull er þetta? Getur fólk með slíkan bakgrunn ætlast til að það sé tekið alvarlega. Jú af sumum. Á bloggsíðum sá maður að það var eins og Messías hefði stigið fæti á jörðina, slík var hrifingin yfir þessu framtaki. Heill stjórnmálaflokkur ályktaði svo að KSÍ þingið skyldi kjósa hana til formennsku. Það minntist hins vegar einginn á konuna sem bauð sig fram til sjórnar KSÍ á grundvelli langrar og farsællar starfsreynslu innan fótbolta hreyfingarinnar. Hún skipti engu máli í hugum þeirra sem fóru með himinskautum út af formannskosningunni.
Ég hef gaman af fótbolta. Ég hef setið í stjórn knattspyrnudeildar og geri það raunar í dag. Ég fer oft á völlinn. Ég hef hins vegar ekki spilað í yngri eða eldri flokkum hjá neinu félagi. Ef ég hefði hins vegar lýst yfir framboði til formennsku í KSÍ hefðu líklega flestir haldið að ég væri orðinn létt geggjaður eða haldinn vægast sagt hömlulausri sýniþörf. Það hefði verið hlegið framan í mig og gert grín að mér á bakið. Hvers vegna? Jú vegna þess að það myndi virka þannig á flesta að það væri hreint idíódiskt að einhver nóboddí af götunni byði sig fram til formennsku í svo mikilvægum samtökum sem KSÍ. Mér hefði líklega verið bent á að byrja á því að leggja fram krafta mína í stjórn einhverrar knattspyrnudeildarinnar. Hvernig verða viðbrögðin aftur á móti þegar einhver kona sem hefur engan bakgrunn né nokkra reynslu af einu eða neinu innan knattspyrnuhreyfingarinnar býður sig fram í þetta embætti? Hún er hafin til skýjanna, ólíklegustu menn telja það vera slikt gæfuspor fyrir KSÍ að velja hana sem formann að það megi ekki láta svona tækifæri ganga sér úr greipum og ég veit ekki hvað? Hver er niðurstaðan? Þrjú atkvæði. Þremur of mikið. Ég á ekki von á öðru að þessi niðurstaða verði talin ein birtingarmynd karlasamsærisins sem hleypi konum ekki að áhrifastöðum. Nefnt hefur verið að á KSÍ þingi sitji 116 karlar og 7 konur og það talið dæmi um karlaveldið. Þar sem ég þekki til er oft erfitt að fá fólk til að taka að sér stjórnunarstörf innan knattspyrnuhreyfingarinanr. Þetta er erfitt starf, oft vanþakklátt og ábyrgðin mikil. Margir telja sig hafa annað betra að gera við frítímann en að gefa sig í þetta þar sem hver frí stund er upptekin yfir sumarmánuðina og oft betur. Það er því alveg öruggt mál að þeir sem hæst hafa látið að undanförnu um nauðsyn þess að koma konu til áhrifa innan knattspyrnuhreyfingarinnar geta fundið stjórnarsæti sem eru ekki föst á hendi ef eftir væri sótt. Jafnvel eru til sæti sem ekki hefur tekist að manna. Ég held að væri til góða að konum fjölgaði í stjórnum knattspyrnufélaga til að auka veg kvennafótboltans. Ég þekki mikinn fjölda af duglegum mömmum sem halda vel utan um starfið í yngri flokkunum. en að láta sér detta í hug að velja algerlega óreynda konu til formennsku í KSÍ er hins vegar svo vitlaust að það tekur engu tali. Ég held að því sem kallað er kvennabarátta sé gert meira ógagn en gagn með svona löguðu."

 

Hafði reyndar ákveðið að halda mér utan við þessa umræðu en þetta framboð fór engu að síður óstjórnlega í taugarnar á mér. Þarna er kominn maður sem hægt er að taka alvarlega og hittir naglann algerlega á höfuðið með góðum röksemdum og á málefnalegan hátt.

 

NG

Seinna hlaup dagsins

Um klukkan 16.30 hringdi síminn, á línunni var Múrarinn a.k.a. TK. Hann hafði hug á síðdegishlaupi og það var auðsótt. Híttumst 17.30 í Neslauginni og fórum 8 km. Kallinn kom á óvart og hefur greinilega verið að æfa í laumi og hélt uppi meðalhraða 5.32 mín á kílómeter og tók meðal annars hvílíka roku um miðbik hlaups. Fór alveg niður á 4 mínútur í pace í ca. 1 km þannig að ég átti í stökustu vandræðum með að halda í við hann. Múrarinn lýsti því yfir í lok hlaups að hann myndi mæta í hádegishlaup á föstudag. Eina sem vantar er að Loðfíllinn og Færeyingurinn taki fram skóna.

Góður dagur að baki, rúmlega 18 km og alveg eldsprækur. Nú sýnist mér að leiðin liggi aðeins uppávið.

 

NG

Hádegishlaupi lokið

Fyrsta hádegishlaupi DM klúbbsins er lokið. Þetta er snilld og klárlega það sem koma skal, við brosum báðir hringinn í endorfínvímu, viðmót og fas með allra besta móti.

10,26 km voru lagðir að baki. Fórum rólega í byrjun og enduðum á þokkalegri keyrslu með vindinn í fangið og upp í móti. 158 hjartslög að meðaltali, 4,40 hraðasta tempó og 5,35 meðaltempó. Þægilegt og gott, vonumst til að fjölgi í klúbbnum fljótlega. Ýmsir eru greinilega forvitnir og jaðrar við öfund hjá öðrum. Nú er bara að drífa sig með, allir velkomnir.

 

NG

Hádegishlaup Nölla og Sigga

Nú eru einungis 50 mínútur þar til fyrsta hádegishlaup Hlaupaklúbbs DM verður þreytt. Skemmtileg tilviljun að þessu sé lönsað á sjálfan Valentínusardaginn. Spennandi verður að sjá hvernig til tekst en hugmyndin er að rúlla 10 km hring um Álftanesið. Ef vel tekst til er stefnt að því að gera þetta 2-3 sinnum í viku. Nánar á eftir.

 

NG

Betri gangur

Ágætis gangur undanfarið. Í gær var tekinn fartleggur, erfiður og kláraði mig gjörsamlega. Fór hæst í 195 hjartslög á mínútu. Svolítil pína þannig að í dag fór ég út og ákvað að njóta þess að hlaupa á rólegum hraða. Reyndi að halda púlsi milli 150 og 160 slögum það gekk upp að mestu leyti, fór hæst í 171 efst á Bakkavör. Fór 10 km á meðaltalspúlsi 156. Tíminn 53.36 mín sem kom á óvart miðað við hvað mér fannst ég fara rólega, er greinilega á réttri leið. Ætla að halda mig við 10-12 km næstu 2-3 vikurnar í bland við hraðleiki, reyna að vera skynsamur og sleppa við meiðsli. Ef það gengur upp ætti maður að geta farið 21 km 17. mars á þokkalegum tíma.

 

NG

Áfram í grúski

 

Þessi er nokkuð skemmtileg. Er reyndar ekki frá því að ég hafi veðjað á rangan hest."Það er hægt að vera lengi í knattspyrnu og streða fyrir einni medalíu en svo sigrar maður á einu golfmóti og uppsker verðlaun fyrir tugi þúsunda".

Ég er ekki frá því að Eiður hafi þénað meira á sinni knattspyrnuiðkun en ég á golfinu. Hlaup tengjast þessari blaðagrein einnig. Ég var staddur í golfi út í Suðurnesi og átti að mæta í viðtal einhverjum mínútum seinna. Ekki var um annað að ræða en að bregða undir sig betri fætinum og hlaupa út á Hlíðarenda þar sem viðtalið var tekið. Að viðtalinu loknu var hlaupið aftur út á golfvöll og tekinn upp þráðurinn við golfleik. Það þarf enginn að segja mér að meðlimir Cocopuffs-kynslóðarinnar hefðu látið bjóða sér uppá þetta.

 

NG

Er homminn kominn með fisk?

 

Þessi 18 punda hryggna sem kynvillingurinn Þórður Águstsson dró úr Torfhvammshyl í Vatnsdalsá síðastliðið haust er óneitanlega tignarleg. Því er þó ekki að neita að ég varð nokkuð pirraður þegar hann ruddist út í hylinn og stal henni fyrir framan nefið á mér. Svo pirraður að setningin í fyrirsögninni hér að ofan var það eina sem kom upp úr mér.

 

NG

Dúfan og hreindýrið

Þau eru sæt saman Dúfan og hreindýrið á myndinni hér að ofan. Einhvern veginn kemst maður ekki hjá því að leiða hugann að því á hvaða nótum samband þessara dýrategunda er byggt. Allavega þá er hjónasvipur með kvikindunum.

 

NG

Morgunblaðið 25. febrúar 1995

 

Það er með ólíkindum að rólyndismaður sem aldrei hefur skeytt skapi skuli dæmdur í 6 leikja bann. Þetta minnir mig reyndar á atvik þar sem annar rólyndismaður kemur við sögu.

Elliði Vignisson sálfræðingur og núverandi bæjarstjóri í Vestmannaeyjum lék með Gróttu á árum áður og lenti í ýmsum skrautlegum uppákomum. Í fersku minni er leikur sem fram fór í íþróttahúsinu við strandgötu uppúr 1990. Elliða var sýnt rauða spjaldið einu sinni sem áður. Hann var þó ekki alveg á þeim buxunum að sætta sig við brottreksturinn og átti ýmislegt vantalað við þann svartklædda. Rauk hann í átt að dómaranum sem greinilega var skelkaður og tók til fótanna. Bæjarstjórinn fylgdi í humátt á eftir og fljotlega barst eltingaleikurinn upp í áhorfendapalla og varð að gera hlé á leiknum í dágóða stund meðan þeir "félagar" kláruðu stórfiskaleikinn. Óborganleg skemmtun fyrir þá sem voru viðstaddir. Ekki fylgir þó sögunni hversu langt leikbann Elliði hlaut að launum.

 

NG

Dagur að kveldi kominn

Ýmsu áorkað í dag. Fór meðal annars í segulómskoðun og röntgenmyndatöku, niðurstaðan ætti að liggja fyrir eftir helgi. Tók létta æfingu í ræktinni, þrekhjóli í 40 mínútur var fylgt eftir með léttum lyftingum og magaæfingum.

Er á leið í meistaramót DM í keilukasti, einhver sú alleiðinlegasta íþrótt sem ég hef prufað. Kæmi mér samt ekki á óvart að sigur verði raunin. Annars er ég að spá í að labba út í keiluskónum, hef alltaf verið veikur fyrir slíkum skóbúnaði, bara töff.

 

NG

Flottar buxur

Gaman að sjá að fleiri fyrirtæki eru að hasla sér völl á sviði hlaupafatnaðar. Maður skellir sér á nokkur pör frá Gerbe þegar spandexið kemur á markað.

 

NG

Sokkabuxur fyrir karlmenn

Ekki var það Powerade

Stefndi að Powerade hlaupi í kvöld. Guggnaði á síðustu stundu af ótta við meiðslin. Þar sem ég var búinn að gíra mig upp andlega bjó ég til mitt eigið keppnishlaup. Keypti mér rauðan Gatorade sem mér finnst betri. Lagði svo upp í Gamlárshring með bætingu á tíma í huga. Það tókst mér til mikillar ánægju og það sem meira er að 50 mínútna múrinn var rofinn, 49.19 mín. Siggi Helga mætti mér við marklínuna sem varð enn til að auka ánægjuna.

Óreglusamir vinir mínir hafa platað mig á öldurhús fyrir samkynhneigða Q Bar í kvöld. Það passar ágætlega inní prógramið að taka eins og þrjár krúsir í kolvetnahleðslu. Er jú búinn að taka vel á því síðustu þrjá daga.

 

NG

Meiðslapési

Magga hleypur sennilega ekki mikið á næstunni. Spurning hvernig þessi meiðsli eru tilkomin. Veit það fyrir víst að hún reykir tvo pakka á dag af dönsku gæða rettunum Prince.

NG

Danadrottning fékk nýjan hnélið

Gleðilega hátíð

Þá er undirritaður kominn úr fríi.

Það virðist vera að rofa til í hinum erfiðu meiðslum. Hef verið í sjúkraþjálfun undanfarnar vikur með litlum árangri. Fer í röntgen og segulómskoðun á föstudag og fæ þá vonandi úr því skorið hvað er að angra mig. Það sagði mér fróður maður og einhver besti langhlaupari íslandssögunnar að líklegt væri að ég væri með sprungu í beini. Minnir að hann hafi kallað það "mass factor". Ég í þrjósku minni fór 5 km síðastliðinn föstudag til að athuga með ástandið. Var ekki góður eftir það en kældi vel og dældi í mig bólgueyðandi. Hvíldi síðan fram á þriðjudag og prófaði aftur. Og viti menn enginn verkur, fór 10 km Gamlárshring á 51.52 mín í hálkunni. Kældi vel og bruddi íbúfen í dag og fór svo aftur í 10 núna rétt áðan. Ekki bólar enn á verkjum. Vonandi kemur svo myndatakan vel út á föstudag og málið úr sögunni.

Annars hélt ég til í Bretlandi í síðustu viku. Fór að sjá tvo leiki, meðal annars leik West Ham og Liverpool. Hitti þar hina mætu menn Rick Parry og David Moores í chairman suite. Við ræddum mál félagsins og ég ráðlagði þeim frá því að ganga til samninga við DIC arabana. Strax morguninn eftir voru fréttir í bresku pressunni um að viðræðum hefði verið slitið. Ánægjulegt að málið sé nú í höfn og klúbbnum mun farnast mun betur undir eignarhaldi herra Gilet og herra Hicks.

Fórum líka að sjá Arsenal og Tottenham á Emirates. Ótrúlega glæsilegt mannvirki þessi nýji völlur þeirra Arsenalmanna. Við vorum samt nokkuð skelkaðir á vellinum, hatrið milli þessara liða er gífurlegt. Lausir hlutir flugu milli hólfa í stúkunni og við læddum okkur út 10 mín fyirir leikslok til að sleppa við uppþotin eftir leik í þessu viðbjóðslega hverfi þar sem völlurinn er staðsettur. Annars heppnaðist ferðin geysilega vel fyrir utan flughræsluna sem angraði mig þó nokkuð. Reyndar svo mikið að ég ákvað að fara aldrei aftur til útlanda. Spurning hvað sú ákvörðun heldur lengi.

Var geysilega feginn að vera staddur í Englandi þegar handboltaleikurinn við Danina fór fram. Er ansi hræddur um að ég hefði eyðilagt einhverja muni á heimili mínu ef horft hefði verið á leikinn.

Colts unnu leikinn um Ofurskálina nokkuð örugglega. Frábært fyrir Peyton Manning að losa sig við "tapara" stimpilinn. Finnst líklegt að þeir geti bætt nokkrum skálum í hattinn á næstu árum.

 

Gott í bili.

 

NG

Þetta er helst

Vinna var stunduð frá níu til fjögur. Því næst var horft á handboltann eins og flestir aðrir. Að leik loknum var farið í Þokkabót og hjólað í dágóða stund. 1175 hitaeiningum brennt á um 75 mínútum skv. Polar RS 400 græjunni. Fóturinn enn í steik. Annað ekki að frétta.

 

NG

Skoðanakönnun

Eins og mjög glöggir lesendur geta séð þá hefur verið bætt einu orði inn í textann ofan við skoðanakönnunina hér til vinstri. Þetta er einungis gert þar sem það virðist henta mér betur á þessari stundu.

NG

Hrindingar, veður, geðsveiflur og fleira

Ég öfgafullur einstaklingur. Ég er latur. Ég er duglegur.Ég er sorgmæddur og ég er glaður. Ég er klofinn persónuleiki. Ég er eins og íslenska veðrirð, er ekki í tísku að segja það núna?

Margt hefur drifið á daga mína frá síðustu færslu. Eitthvað hef ég reynt að puða á þrekhjólinu en það er margt skemmtilegra. Mig er farið að þyrsta í að hlaupa aftur. Á föstudag fékk ég þann úrskurð frá sjúkraþjálfara að ég þyrfti að sleppa hlaupum í 3-4 vikur til viðbótar. Á meðan verð ég að gera mér hjólið að góðu. Í framhaldinu væri hugsanlega skynsamlegra að reyna að fara hægar í sakirnar og byggja sig upp í rólegheitum. Væri gaman að prófa að gera eitthvað á eðlilegum hraða. Hálft gæti þurft að duga í Marsþoni.!!!!!!!! Nú veit ég reyndar að einhverjir kunna að kætast, en það verður að hafa það.

Ég hef farið í gegnum miklar geðsveiflur eins og flestir Íslendingar aðrir síðustu daga. Ástæðan, jú gengi landsliðsins í hrindingum. Íþrótt sem örfáar þúsundir stunda á heimsvísu. Hvernig getur heil þjóð verið svona steikt, að mér meðtöldum? Eftir tapið á móti arfaslökum Úkraínumönnum var ég einn af þeim sem snéri baki, ekki bara gegn liðinu, heldur líka gegn íþróttinni. Hverjum er ekki sama um hrindingar? Maður píndi sig svo í að horfa á Frakkaleikinn og viti menn þá sleppti ég mér alveg í gleðinni yfir því hve Íslendingar eru góðir í hrindingum. Nú er staðan orðin þannig að ég vil ólmur komast til Þýskalands og taka þátt í ævintýrinu, þrátt fyrir ólýsanlega flughræðslu. Ef við töpum svo á morgun þá eru þetta jú bara hrindingar, einkar hentugt.

Annars hefur mér verið boðið til Lundúna um næstu helgi í þeim tilgangi að horfa á tvo kappleiki í öllu göfugri íþrótt. Ég sveiflast reyndar alveg jafn mikið í skoðunum á þeim kanti. Eiður Smári var frábær í haust, einn af allra bestu leikmönnum heims. Nú er hann landanum til skammar, bara latur og frjálslega vaxinn. Í haust vildi ég að Rafa Benites yrði rekinn, hann er bara vitleysingur. Nú er Rafa Benites lang besti stjórinn í boltanum, á því leikur enginn vafi. Leikirnir sem í boði eru West Ham gegn Liverpool og Tottenham geng Arsenal. Ef satt er að Eggert Magnússon og félagar ætli að greiða miðlungsmanninum Lucas Neill 60.000 sterlingspund á viku, þá er ekki langt í gjalþrot Íslands. Það er ljóst.

Indianapolis Colts með Peyton Manning í broddi fylkingar tryggðu sér sæti í leiknum um Ofurskálina á sunnudagskvöld í hreint út sagt stórkostlegum leik.Það þarf ekki að fjölyrða um þann gríðarlega persónulega sigur sem áðurnefndur Manning vann með þessum áfanga. Nú er bara að klára dæmið og koma sér endanlega á spjöld sögunnar. Væri reyndar til í að skipta á HM í handbolta og West Ham - Liverpool, fyrir miða á þann leik.

NG

Skammgóður vermir

Æfingu dagsins er lokið. Ákveðið var að hafa hana í léttari kantinum. Hitað upp í 30 mínútur á þrekhjóli og svo var hugmyndin að reyna aðeins á fótinn og hlaupa 5 km á bretti. Funheitur eftir hjólið var byrjað að hlaupa og hraðinn stilltur á 14 km pr. klst. Gekk vel og 5 km lokið á nýju Íslandsmeti, það var a.m.k. það sem ég hélt. Tíminn 17 mínútur og 24 sekúndur.

Gríðarlega sáttur steig ég af brettinu og sýndi Vallibal Lecter sem staddur var í ræktinni á sama tíma afraksturinn. Nú mátti Kári Steinn fara að vara sig, Antilópan á hraðri leið í form. Púlsinn var í um 180 slögum og ekki hægt að ætlast til þess að maður hugsi skýrt undir slíkum kringumstæðum.

Þegar um fór að hægjast fóru að renna á mig tvær grímur, þetta gat ekki verið. Á meðan teygt var fór ég að reikna í huganum. 14 km pr. klst er sama og 7 km pr. hálftíma, það gerir rúmlega 4 mínútur og 15 sekúndur pr. kílómeter. Gerði mér þá grein fyrir því að Íslandsmetið sem ég taldi mig hafa sett fékk ekki staðist.

Engu að síður góður sprettur og ekki fann ég mikið til í fætinum. Það verður samt að segjast að hlaupum á bretti er ekki hægt að jafna við útihlaup, jafnvel þó brettið hafi verið stillt í 1 gráðu halla. Maður lyftir bara upp skönkunum og færibandið sér um rest.

Vinsamlegum tilmælum er beint til Þrekhúss fólks um að stilla brettin uppá nýtt svo koma megi í veg fyrir frekari misskilning af þessu tagi.

 

NG

Klassísk dægurlög

Ég var spurður að því um daginn hvort ég væri samkynhneigður. Þannig var að gestur á heimili mínu hafði komist yfir lagalistann á i-pod undirritaðs. Gesturinn horfði á mig með skelfingarsvip þegar ég kom aftur inn í stofu eftir klósettferð og varpaði upp áðurnefndri spurningu. Ég vissi náttúrulega ekki hvaðan á mig stóð veðrið, hélt að lögin á i-podinum mínum væru flottustu lögin í dag. Tæknilegir þættir hafa hingað til ekki talist til minna sterkari hliða. Ég var því mjög sáttur þegar mér tókst að troða 11 gaumgæfilega völdum dægurlögum inná tækið.

Lítum á lagalistann:

As long as I love you - Backstreet boys

I want it that way - Backstreet boys

Með þér - Ragnheiður Gröndal

Wisemen - James Blunt

Good by my lover - James Blunt

Think it over - Jóhann Helgason

Never ever let you go - Rollo & King

Fly on the wings of love - Olsen bræður

Nína - Stebbi og Eyfi

Þú fullkomnar mig - Sálin hans Jóns míns

Okkar nótt - Sálin hans Jóns míns

 

Þess ber að geta að gesturinn á heimili mínu þennan dag var töluvert yngri en höfundur. Hverskyns músík hlustar sú kynslóð sem á eftir minni kemur? Getur verið að þessi klassísku dægurlög séu komin fram yfir síðasta söludag? Ef svo er þá er höfundur það einnig, mér finnst alltaf jafngaman að hlusta á i-podinn minn.

 

NG